歡迎嚟到中電鐘樓文化館！

呢個語音導賞，會以中電鐘樓為核心，帶領大家一齊探索呢座歷史悠久嘅建築物，從佢嘅建築特色、背後嘅歷史同文化，以及喺社會、歷史、科學、環境等角度，全面認識無形無相、但又睇得到嘅「電力世界」，同時回顧咗中電嘅歷史，講述香港電力發展嘅起源。

語音導賞劃分成四大主題展區，分別係「香港電力的起源」、「電力今昔發展」、「規劃之道」，同埋「可持續未來」。你可以掃描每個展區內嘅二維碼，聆聽背後嘅精彩故事。

喺開始參觀「電力世界」展覽之前，先問大家一個問題：電力睇唔睇得到？請你先將答案留喺心中，參觀後，你再睇下同當初嘅諗法有冇唔同。